Plantun de Prouvènço

Pèr coumpara dos planto d'encò nostre

Trisetum distichophyllum & Crithmum maritimum

Trisetum distichophyllum

Poaceae Graminaceae

Noms en français : Avoine distique, Trisète à feuilles distiques.

Descripcioun :
Aquéu civadoun trachis au mitan dis esboudèu d'auto mountagno ounte ié fai de coulounìo bonodi soun rizoumo. Lis enflourejado soun courteto e proun laco à la flourido. Caupon d'espigueto de 2 à 4 flour jaunasso. Se recounèis peréu à si fueio di ramo esterlo en pousicioun distico. Coumpara emé lou margaioun-di-fueio-distico que trachis dins li mémi relarg e fai de ramo tambèn distico.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 6 à 30 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Trisetum
Famiho : Poaceae
Famiho classico : Graminaceae

Ordre : Poales

Coulour de la flour : Jauno
Petalo : ges
Ø (o loungour) enflourejado : 3 à 6 cm
Flourido : Estiéu

Sòu : Ca
Autour basso e auto : 1700 à 3000 m
Aparado : Noun
Juilet à avoust

Liò : Esboudèu - Roucaio - Tepiero de bancau
Estànci : Subaupen à Aupen
Couroulougi : Ouroufilo-Sud-Éuropo
Ref. sc. : Trisetum distichophyllum (Vill.) P.Beauv. ex Roem. & Schult., 1817

Fenoui-de-mar

Crithmum maritimum

Apiaceae Umbelliferae

Àutri noum : Sausseiroun, Bacilo.

Noms en français : Criste-marine, Fenouil marin.

Descripcioun :
Lou fenoui-de-mar es uno planto poupouso coumuno que trachis sus li roucas o dins la sablo en ribo de mar. Se recounèis eisa à si fueio penado.

Usanço :
Es uno planto manjadisso que gagnarié à èstre couneigudo ; lou goust ramento aquéu de la pastenargo, mai pu cousènt. Ero manjado au nostre, crus o cuecho coume de liume. Peréu es uno bono planto, vertuouso contro lou mau-de-terro (richo en vitamino C), depurativo, estimulanto, ajudo à pissa e à digeri. Bono pèr la pèu, n'en bouton dins de crèmo e proun de poutingo à l'ouro d'aro.